Entroido Rural Tradicional

Xenerais da Ulla

Festa Declarada de Interese Turístico de Galicia

Do 30 de xaneiro ao 21 de febreiro 2021

As entidades organizadoras dos Entroidos dos Xenerais da Ulla suspenden a programación do Entroido 2021.

Dende os 8 concellos para a promoción conxunta do Entroido Rural Tradicional dos Xenerais da Ulla informamos que con motivo da actual situación sanitaria provocada pola COVID-19, as entidades organizadoras dos entroidos dos Xenerais da Ulla suspenden a programación presencial das súas celebracións nos diversos lugares e parroquias. Adoptan esta medida ante a imposibilidade de desenvolver estes entroidos no seu formato habitual. Ao tempo é un acto de responsabilidade priorizando a saúde e seguridade de todas as persoas.

Así mesmo, informamos que se desenvolverán diversas actividades virtuais e en pequeno formato coa finalidade de manter vivo o espírito do entroido da Ulla. 

A Estrada: Santa Cristina de Vea, Entroido Municipal, Arnois, Santeles.
Boqueixón: Sergude, Lestedo.
Santiago de Compostela: Castiñeiriño, Marrozos, Angrois, O Eixo, Aríns.
Silleda: Lamela, Bandeira.
Teo: Rarís, Reis, Santa María de Teo, Cacheiras, Oza, Recesende.
Touro: Bama, Fao, Feira do 5.
Vedra: Vilanova, Trobe, San Xián de Sales.
Vila de Cruces: Merza, Piloño, Salgueiros.

Entroido da Ulla

Xenerais da Ulla

A bisbarra natural da Ulla posúe un orixinal entroido rural do que temos testemuñas desde mediados do s. XIX.

As personaxes máis importantes son os Xenerais e Correos a cabalo, que percorren as parroquias ao longo do día dando vivas a veciños e visitantes, acompañados dun “exército” de abandeirados, coros, comparsas e parrandas.

Rematan escenificando un atranque (ou alto), enfrontamento dialéctico por parellas, aproveitado para facer burla e sátira de asuntos locais, de política ou do corazón, acontecidos durante o ano.

Dunha parroquia a outra o Entroido da Ulla presenta pequenas diferenzas, mantendo cada un deles trazos definitorios que os fan únicos.

Xenerais e Correos engalanados conforman a espectacularidade desta auténtica expresión do entroido tradicional galego.

Campaña promovida por:

Coa colaboración de:

Síguenos en redes

© Todos os dereitos reservados. Diseño web: zerozero.pro