Entroido Rural Tradicional

Xenerais da Ulla

Festa Declarada de Interese Turístico de Galicia

Do 12 de febreiro ao 6 de marzo 2022

Previsión do Entroido Rural Tradicional dos Xenerais da Ulla en 2022

O  “Grupo de 8 Concellos para a promoción conxunta do Entroido Rural Tradicional dos Xenerais da Ulla”, unha vez recompilada a información facilitada polas agrupacións veciñais dos case 30 lugares e parroquias dos 8 municipios nos que anualmente se celebra esta tradición,

COMUNICAN

Que a pesar da complexidade actual por mor da situación sanitaria, os Entroidos dos Xenerais da Ulla prevén celebrar diversas actividades e actos para poder festexar o Entroido 2022 con forza máis con seguridade.

O calendario previsto de eventos desta particular celebración, pode consultarse aquí:

Tamén desexan manifestar o seu agradecemento e recoñecemento a todas as entidades, asociacións, comisións e persoas implicadas, que polo seu labor, responsabilidade, compromiso e ilusión, manteñen vivo cada ano o noso Entroido, que é sinal de identidade das nosas parroquias e lugares, da nosa cultura e da nosa xente.

Entroido da Ulla

Xenerais da Ulla

A bisbarra natural da Ulla posúe un orixinal entroido rural do que temos testemuñas desde mediados do s. XIX.

As personaxes máis importantes son os Xenerais e Correos a cabalo, que percorren as parroquias ao longo do día dando vivas a veciños e visitantes, acompañados dun “exército” de abandeirados, coros, comparsas e parrandas.

Rematan escenificando un atranque (ou alto), enfrontamento dialéctico por parellas, aproveitado para facer burla e sátira de asuntos locais, de política ou do corazón, acontecidos durante o ano.

Dunha parroquia a outra o Entroido da Ulla presenta pequenas diferenzas, mantendo cada un deles trazos definitorios que os fan únicos.

Xenerais e Correos engalanados conforman a espectacularidade desta auténtica expresión do entroido tradicional galego.

Campaña promovida por:

Coa colaboración de:

Síguenos en redes

© Todos os dereitos reservados. Diseño web: zerozero.pro